Annotatsiya
Bugungi kunda O‘zbekiston
ta’lim tizimida amalga oshirilayotgan keng
ko‘lamli islohotlar zamirida fidoyi rahbarlar,
o‘z kasbiga sadoqatli ustozlar va yetakchi
olimlarning mehnati mujassam. O‘zbekiston
Respublikasida ta’lim tizimini isloh qilish,
yosh avlodga zamonaviy bilimlar berish va
ularni intellektual salohiyatli kadrlarga
aylantirish davlat siyosatining ustuvor
yo‘nalishlaridan biridir. Bu yo‘ldagi
islohotlarning muvaffaqiyati, avvalo, har bir
ta’lim muassasasining kuchli, intellektual,
mas’uliyatli va fidoyi rahbariyatiga bog‘liq.
Har qanday muassasa yoki tashkilotning
muvaffaqiyati, eng avvalo, rahbarning
salohiyati, fidoyiligi va kelajakka qaratilgan
aniq strategik qarashlari barobaridadir.
Ayniqsa, ta’lim va ilm-fan sohalarida rahbarlik
mas’uliyati yanada yuksak bilim, mas’uliyat
va fidoyilikni talab etadi.